Sigríður Finsen hefur verið ráðin til starfa sem aðstoðarmaður Sturlu Böðvarssonar alþingismanns og forseta Alþingis.
Ráðningin er samkvæmt nýjum reglum um aðstoðarmenn þingmanna í Norðvestur- Norðaustur- og Suðurkjördæmum.
Sigríður hefur búið í Grundarfirði undanfarin 16 ár, en er fædd og uppalin í Reykjavík, lauk stúdentsprófi frá Menntaskólanum í Reykjavík 1978, BA prófi í hagfræði frá háskólanum í York í Englandi og MSC prófi í borga- og byggðafræðum frá London School of Economics 1985.
Hún hefur átt sæti í bæjarstjórn Grundarfjarðar undanfarin 10 ár, þar af sl. 8 ár sem forseti bæjarstjórnar og er nú um þessar mundir formaður Samtaka sveitarfélaga á Vesturlandi.