Sigurður Kári Tryggvason lögmaður hefur verið ráðinn til starfa hjá Fyrirtækjaráðgjöf Landsbankans. Sigurður Kári hefur starfað sem lögfræðingur hjá Almenna lífeyrissjóðnum frá árinu 2016.
Áður starfaði hann sem fulltrúi hjá LEX lögmannsstofu árin 2011-2015, var í starfsnámi hjá EFTA-dómstólnum á árinu 2013 og sat í stjórn Landsbréfa 2011-2012. Hann starfaði áður hjá Landsbankanum á árunum 2009-2011 við lögfræðiráðgjöf, að því er fram kemur í tilkynningu frá bankanum.
Sigurður Kári er héraðsdómslögmaður, með LL.M. gráðu frá lagadeild Duke-háskóla í Bandaríkjunum og mag. jur. gráðu frá Lagadeild Háskóla Íslands.
