Sigurður Pétursson gekk til liðs við Centra Fyrirtækjaráðgjöf þann 1. desember sl.
Sigurður er viðskiptafræðingur frá Háskóla Íslands og með MBA gráður frá Manchester Business School.
Sigurður hefur 12 ára fjölbreytta starfsreynslu úr bankastarfsemi, ráðgjöf, fjármálstjórnun og hinu opinbera. Síðasta tvö og hálft ár var Sigurður forstöðumaður hjá Fjármálaeftirlitinu. Sigurður starfaði við fyrirtækjaráðgjöf og viðskiptaþróun á alþjóðasviði hjá Glitni 2007-2008; við fyrirtækjaráðgjöf hjá BDO Stoy Hayward á Englandi 2006 og við fyrirtækjaráðgjöf, viðskiptaþróun og í hagdeild hjá Kaupþingi 1999-2003. Sigurður hóf starfsferillinn sem fjármálastjóri í þjónustugeiranum 1997-1998.
