*

sunnudagur, 16. júní 2019
Fólk 12. júní 2019 15:20

Sigurjón nýr sviðsstjóri hjá Hafnarfjarðarbæ

Sigurjón Ólafsson hefur verið ráðinn sviðsstjóri á nýju sviði þjónustu og þróunar hjá Hafnarfjarðarbæ.

Ritstjórn
Sigurjón Ólafsson, nýr sviðsstjóri hjá Hafnarfjarðarbæ.
Aðsend mynd

Sigurjón Ólafsson hefur verið ráðinn sviðsstjóri á nýju sviði þjónustu og þróunar hjá Hafnarfjarðarbæ. Sigurjón hefur frá árinu 2013 rekið sitt eigið fyrirtæki, Fúnksjón vefráðgjöf, auk þess að starfa sem aðjúnkt í vefmiðlun við Háskóla Íslands. Fyrir þann tíma starfaði Sigurjón sem deildarstjóri vef- og netbanka Íslandsbanka, vef- og kynningarstjóri hjá Háskóla Íslands og deildarstjóri vefdeildar hjá Kaupþing banka. Sigurjón er með meistaragráðu í alþjóðlegum samskiptum.

Sigurjón hefur verið þátttakandi í stafrænni vegferð margra fyrirtækja og ekki síst opinberra fyrirtækja þar sem hann hefur stýrt stórum verkefnum og aðstoðað við að breyta stafrænni ásýnd og við að innleiða ný vinnubrögð og hugsunarhátt. Verkefni Sigurjóns síðustu misseri hafa sér í lagi snúið að notendamiðaðri hönnun og þróun notendaferla. Alls bárust 48 umsóknir um starf sviðsstjóra en 5 drógu umsókn sína til baka. Sigurjón mun hefja störf 1. ágúst.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is