Sigurður Rúnar Friðjónsson hefur verið ráðinn mjólkurbússtjóri hjá Norðurmjólk á Akureyri. Tekur hann við starfinu 1. janúar. Siguður Rúnar var áður mjólkurbússtjóri MS í Búðardal. Þetta kemur fram á vefnunum Skessuhorn.

Þar segir að Sævar Hjaltason, framleiðslustjóri hjá MS í Búðardal, taki við starfi Sigurðar Rúnars. Sigurður Rúnar hefur starfað hjá mjólkurbúinu í Búðardal frá 15. apríl 1977 og sat í 28 ár í sveitarstjórn í Búðardal.