Fyrirtækið Silkiprent og fánar er flutt á Þórshöfn. Fyrirtækið var keypt af suðvesturhorninu af Konráði Jóhannssyni, Erlu Jóhannsdóttur og fjölskyldu þeirra, og er nú búið að koma því fyrir að Langanesvegi 2 á Þórshöfn. Þar er starfsemin í 500 fermetra húsnæði og starfsmenn eru 4.
Silkiprentun og fánar er með silkiprentun sem sérgrein. Áhersla er lögð á að þessi aðferð tryggir endingu vörunnar og skilar bestum gæðum. Fyrirtækið kappkostar að vera leiðandi í fánaframleiðslu á Íslandi og veita viðskiptavinum skjóta og örugga afgreiðslu á fyrsta flokks vöru. Staðsetning á Þórshöfn er jafngóð og annarsstaðar, öruggar og hraðar samgöngur milli landshluta.
