Landsfundur Sjálfstæðisflokksins samþykkti fyrir stuttu ályktun fjárlaganefndar landsfunds um að selja Ríkisútvarpið.
Ályktunin sem var samþykkt hljóðaði svo:
„Sjálfstæðisflokkurinn telur að selja eigi ákveðnar ríkiseignir, svo sem eignarhluta ríkisins í fjármálafyrirtækjum, rekstur flugstöðvar Leifs Eiríkssonar og annan verslunarrekstur Isavia, sem og RÚV, ásamt hluta af rekstri Landsvirkjunar, þ.e. einstakar virkjanir.“
Fyrir fundinum lágu drög allsherjar- og menntamálanefndar flokksins þar sem ekki voru lagðar til breytingar á eignarhaldi Ríkisútvarpsins. Þar sagði:
„Fjölmiðlun er afar mikilvæg í lýðræðisþjóðfélagi og einkareknir fjölmiðlar þurfa að hafa burði og jafnræði til að sinna mikilvægu hlutverki í samkeppni við Ríkisútvarpið. Mikilvægt er að varðveita menningararf þann sem Ríkisútvarpið ohf. hefur umsjón með og gera efni í eigu stofnunarinnar aðgengilegt almenningi.“