Á fjölmennum fundi flokksráðs Sjálfstæðisflokksins, sem lauk rétt í þessu, var tillaga um þátttöku Sjálfstæðisflokksins í myndun ríkisstjórnar ásamt Vinstrihreyfingunni - grænu framboði og Framsóknarflokknum samþykkt með öllum greiddum atkvæðum að því er segir í tilkynningu frá flokknum.
Flokksfundur Vinstri grænna hófst klukkan 17:00 og er nú beðið eftir niðurstöðu fundarins en fundur hefst hjá Framsóknarflokknum klukkan 20:00.
Ennfremur er stefnt að því að ríkisráðsfundur fari fram á Bessastöðum á morgun þar sem ný ríkisstjórn muni taka formlega við völdum.
Uppfært: Andrés Ingi Jónsson og Rósa Björk Brynjólfsdóttir, þingmenn Vinstri grænna, ætla að greiða atkvæði gegn stjórnarsáttmála verðandi ríkisstjórnar VG, Sjálfstæðisflokksins og Framsóknarflokksins að því er kemur fram á vef mbl.is