Sjö framboð hafa borist til stjórnar FKA Framtíðar, sem er deild innan Félags kvenna í atvinnulífinu (FKA), og kosið verður um fjögur sæti til tveggja ára á rafrænum aðalfundi á morgun.
„Starfið gengur út á virka tengslanetsuppbyggingu og hagnýta fræðslu sem nýtist sem innlegg í starfsframa og þróun, bæði fag- og persónulega,“ segir Ósk Heiða Sveinsdóttir formaður FKA Framtíð í fréttatilkynningu.
Frambjóðendur eru eftirtaldir í stafrófsröð:
Anna Björk Árnadóttir – Viðburðarstjóri hjá Concept Events og er að ljúka námi í rússnesku við HÍ.
Ásdís Auðunsdóttir – Verkefnastjóri í Áhætturáðgjöf hjá Deloitte. Útskrifaðist sem lögfræðingur árið 2015.
Hrefna Sif Jónsdóttir – Framkvæmdastjóri Tix Miðasölu og hefur setið í stjórn FKA í eitt ár.
Katrín Petersen – Verkefnastjóri á Markaðs- og samskiptasviði Íslandsbanka. Með Msc-gráðu í markaðsfræði og alþjóðaviðskiptum.
Rakel Lind Hauksdóttir – Fjármála- og fjáröflunarstjóri SOS Barnaþorpanna á Íslandi. Hefur lokið ML-námi í lögfræði.
Tinna Hallbergsdóttir – Starfar hjá Náttúruhamfaratryggingu Íslands. Hefur lokið Msc-gráðu í stjórnun og stefnumótun.
Unnur María Birgisdóttir – Er að starfa við ráðlagningar á mannauðsmálum, þjálfun og starfsþróun starfsmanna. Hefur lokið Msc gráðu í Þjálfunarsálfræði.
Nánari upplýsingar á heimsíðu FKA.