Mikið líf var í Kauphöllinni í dag þegar úrvalsvísitalan lækkaði um 0,3% í 6,4 milljarða króna veltu. Sjóvá hækkaði mest allra félaga eða um 3,6% í 237 milljóna króna veltu. Sjóvá hefur nú hækkað um 7% frá arðleysisdegi félagsins þann 15. mars síðastliðinn. VÍS hækkaði sömuleiðis um 2,6% í 530 milljóna króna viðskiptum.
Mestu veltan var á hlutabréfum Kviku banka eða um 1,6 milljarðar króna en gengi félagsins lækkaði um 0,7% í dag og stendur nú í 21,2 krónum á hlut. Félagið hefur þó hækkað um 1,9% frá byrjun mánudags sem var fyrsti viðskiptadagur sameinaðs félags Kviku, TM og Lykils.
Næst mesta veltan var með bréf Marel sem lækkuðu um 0,3% í 879 milljóna króna viðskiptum. Arion banki fylgdi þeim á eftir í 824 milljóna króna veltu en bankinn lækkaði um 0,8% í dag.
Icelandair lækkaði mest allra félaga í dag og endaði daginn í 1,42 krónum á hlut. Gengi flugfélagsins lækkaði um 3,4% í viðskiptum dagsins og hefur nú lækkað um 23% á tveimur mánuðum.
