*

laugardagur, 31. október 2020
Innlent 9. júlí 2020 17:21

Sjóvá hagnast um 1,5 milljarð

Drög að uppgjöri annars ársfjórðungs hjá Sjóvá sýna að félagið hagnaðist um 1.500 milljónir á fjórðungnum.

Ritstjórn
Hermann Björnsson er forstjóri Sjóvá.
Gígja Einars

Samkvæmt drögum að uppgjöri annars ársfjórðungs hjá Sjóvá hagnaðist félagið um 1.500 milljónir króna og var samsett hlutfall á fjórðungnum um 97%. Afkomu á fyrstu sex mánuðum ársins er 1.100 milljónir þar sem félagið tapaði rúmum 400 milljónum á fyrsta ársfjórðungi en samsett hlutfall það sem af er árs er nú 98%. Frá þessu er greint í fréttatilkynningu.

Sveiflur á eignamörkuðum skýra að nær öllu leyti viðsnúning á afkomu félagsins á milli fjórðunga. Áréttað skal að uppgjörið er enn í vinnslu og kann að taka breytingum fram að birtingardegi þann 19. ágúst næstkomandi.

Iðgjöld bifreiðatrygginga hjá einstaklingum voru felld niður í maímánuði vegna samdráttar í umferð og hagstæðrar tjónaþróunar. Lækkun iðgjalda vegna þessarar ráðstöfunar nemur um 650 milljónum króna og kemur að fullu fram á öðrum ársfjórðungi.

Stikkorð: Sjóvá