Á síðasta ári komu fleiri skemmtiferðaskip í hafnir Hafnarsamlags Norðurlands heldur en í Faxaflóahafnir, eða 172 skip á móti 135 að því er Morgunblaðið greinir frá upp úr samantekt samtakanna Cruise Iceland .

Segir Pétur Ólafsson formaður samtakanna að vegna heimsóknanna verði til um 300 heilsársstörf hér á landi, mörg hver á landsbyggðinni. Samantekt samtakanna sýnir að útgerðir, farþegar og áhafnir skemmtiferðaskipa skildu eftir um 7-8 milljarða króna hér á landi á síðasta ári.

Tóku alls 14 hafnir allt í kringum landið á móti skemmtiferðaskipum á síðasta ári, en langflest komu til Reykjavíkur, Akureyrar og Ísafjarðar í farþegum talið. Fóru alls um 9 þúsund farþegar í siglingar hringinn í kringum landið á síðasta ári.