„Skattrannsóknarstjóra hafa nýlega borist gögn frá namibískum yfirvöldum. Ekkert frekar er hægt að upplýsa um það á þessu stigi, þ. á m. að hverjum þau beinast.“
Þannig hljóðar svar Bryndísar Kristjánsdóttur skattrannsóknarstjóra við fyrirspurn Kjarnans um hvort að embættinu hafi borist gögn um Samherja frá yfirvöldum í Namibíu.
Auk ásakana um meintar mútugreiðslur var einnig fjallað um möguleg skattaundanskot Samherja í fréttaskýringaþættinum Kveik í gærkvöldi. Fréttamenn Kveiks lögðu þar fram gögn sem benda til þess að hagnaði af rekstri Samherja í Namibíu hafi verið komið undan skatti til skattaskjóla á Kýpur og Marshall-eyjum.
Eins og kemur fram í svari Bryndísar hér að ofan staðfestir hún hvorki að gögnin fjalli um Samherja né að formleg rannsókn á fyrirtækinu sé hafin.
Nálgast má fréttina á vef Kjarnans hér .