Ferðaskrifstofur hafa nú bæst í hóp þeirra fyrirtækja sem Samkeppniseftirlitið hefur veitt tímabundna skilyrta undanþágu frá samráðsbanni, í því skyni að tryggja að „viðskiptavinir þeirra komist til síns heima og takmarka tjón sem hljótast mun af því fordæmalausa ástandi sem nú ríkir“ vegna kórónufaraldursins. Þetta kemur fram í frétt á vef eftirlitsins .

Undanþágan er háð samþykki Ferðamálastofu, sem meta skuli samstarfið nauðsynlegt í ofangreindum tilgangi, auk þess sem stofnuninni sé boðin þátttaka í öllum samskiptum tengdum samstarfinu. Áður hafði heild- og smásölum lyfja og ferðaþjónustufyrirtækjum verið veitt sambærileg undanþága.