Úrvalsvísitala kauphallar Nasdaq Iceland lækkaði um 0,54% í viðskiptum dagsins. Veltan á hlutabréfamarkaði nam 1,2 milljörðum króna og endaði vísitalan í 1.701,41 stigi.
Aðalvísitala skuldabréfa stóð nánast í stað með 0,01% hækkun í 2,7 milljarða króna viðskiptum og endaði hún í 1.240,85 stigum.
Fjarskipti og Sjóvá einu sem hækkuðu
Einu tvö félögin sem sáu gengi hlutabréfa sinna hækka í kauphöllinni í dag, eru Fjarskipti, móðurfélag Vodafone og Sjóvá-Almennar.
Fjarskipti hækkuðu um 0,62% í rétt tæplega 5 milljón króna viðskiptum og fæst hvert bréf félagsins nú á 48,8 krónur.
Sjóvá-Almennar hækkuðu um 0,23% í 165 milljón króna viðskiptum. Hvert bréf félagsins er nú verðlagt á 14,95 krónur.
Skeljungur og Eimskip lækkuðu mest
Lækkun Skeljungs á markaði dagsins námu 3,08% og námu viðskipti með bréf félagsins 172 milljónum króna.
Næst mesta lækkunin var með bréf Eimskipafélags Íslands, en gengi bréfa félagsins lækkaði um 2,40% í 264 milljón króna viðskiptum. Fæst nú hvert bréf félagsins 326,0 krónur.