„Menn sem læra allt sem þeir vita um löggæslu af því að horfa á ameríska lögguþætti, hafa fullan skilning ef það þarf að kaupa riffla eða annan búnað fyrir sérsveit, en engan þegar skilningurinn kallar á vitsmunalega þekkingu og þeir þurfa að lesa sér til. Þetta átti við um rannsóknir efnahagsbrota yfir það heila,“ þannig hljóma ummæli Helga Magnúsar Gunnarssonar vararíkissaksóknari við deilingu fréttar um að Ísland hafi verið sett á gráan lista FATF sökum ófullnægjandi varna gegn peningaþvætti og fjármögnun hryðjuverka.
Kjarninn fjallar um ummæli Helga Magnúsar, sem var saksóknari efnahagsbrota hjá embætti ríkislögreglustjóra á árunum 2007-2010. Aðspurður segir Helgi að mennirnir sem hann tali um í ummælunum hér að ofan séu kerfið; stjórnmálamenn, ráðuneyti, dómsmál og embætti ríkislögreglustjóra, en í niðurlagi ummælanna segir Helgi ennfremur:
„Svo allt í einu vöknuðu menn við hrunið og fóru að skilja að kannski gætu refsilagabrot í atvinnulífinu haft afleiðingar jafn vel fyrir þá sjálfa. En að einhver hafi haft áhuga á að hlusta á okkur sem höfðum á þessu þekkingu, það var ekki. Við gerðum það sem við gátum með það sem við höfðum.“
Það var Eyjólfur Ármannsson, lögfræðingur og fyrrum aðstoðarsaksóknari hjá efnahagsbrotadeild ríkislögreglustjóra og þar áður starfsmaður hjá Fjármálaeftirlitinu á árunum 2006 til 2011. Hann deildi fréttinni með færslu þar sem segir meðal annars: „Núna tókst ekki að redda sér í kapphlaupi við tímann (veit ekki um síðasta frest, en við erum í raun að tala um fjölda ára), nokkuð sem okkur tókst við matið 2006 en engin var eftirfylgnin. Niðurstaðan er að koma í ljós í dag, árið 2019.
Nánar er fjallað um ummæli Helga Magnúsar og Eyjólfs, sem og stöðu máli í rannsóknum efnhagasbrota hér á landi, í frétt Kjarnans, hér .
