Ísland er eitt af 51 ríki sem ætlar að taka upp nýjan alþjóðlegan staðal um sjálfkrafa upplýsingaskipti í skattamálum. Markmiðið er að stöðva glæpastarfsemi sem tengist skattaundanskotum og takast á við skattsvik.
Bjarni Benediktsson fjármálaráðherra undirritaði yfirlýsingu þess efnis fyrir hönd Íslands á fundi Efnahags- og framfarastofnunarinnar (OECD) í Berlín.
Skipst verður á upplýsingum vegna reikninga í aflandsríkjum, stöðu reikninga og raunverulega eigendur. Þetta samstarf hefst árið 2017.