Töluverðar breytingar hafa verið gerðar á skipuriti Wow air en sem kunnugt er hyggst Skúli Mogensen, forstjóri og eigandi félagsins, flytja til London en gegna þó áfram stöðu forstjóra.
© Aðsend mynd (AÐSEND)
Undir hennar svið heyrir Helgi Björnsson forstöðumaður tekjustýringar, Guðmundur Arnar Guðmundsson forstöðumaður markaðssviðs, Hafrún Pálsdóttir forstöðumaður ferðaskrifstofusölu, Anna Huld Óskarsdóttir forstöðumaður söluvers og Svanhvít Friðriksdóttir upplýsingafulltrúi og forstöðumaður samskiptasviðs.
Samkvæmt heimildum Viðskiptablaðsins hefur Inga Birna verið hægri hönd Skúla við rekstur fyrirtækisins og mun hún þannig stýra stærstum hluta starfseminnar hér á landi í fjarveru Skúla, þó hann muni hafa mikla viðveru hér á landi. Sem kunnugt er var Björn Ingi Knútsson nýlega ráðinn framkvæmdastjóri flugrekstrarsviðs og mun hann þannig stýra stórum hluta af rekstri félagsins, m.a. því ferli að sækja um flugrekstrarleyfi.
