Í nýbirtri fjárfestakynningu frá N1 kemur fram að félagið skoði möguleikann á því að opna Elko verslun á Akureyri. Jafnframt skoðar félagið að setja Krónuverslanir þar sem nú eru N1 stöðvar og setja upp bensínsjálfsafgreiðslustöðvar við Krónu verslanirnar.

Á hluthafafundi N1 sem fram fer þann 25. september næstkomandi verður meðal annars lögð fram tillaga um nafnabreytingu á félaginu auk þess sem ný stjórn verður kosin. Þetta kemur fram í fjárfestakynningu frá félaginu.

Lagt verður til að nafni N1 verði að Festi og það sem nefnist nú Festi muni verða Nesti. Einnig kemur fram í kynningunni að rekstur félagsins muni vera með óbreyttu sniði fyrst um sinn. Nýtt rekstrarfélag verður stofnað utan um reksturinn oog verða höfuðstöðvar félaganna sameinaðar.