Hlutabréfamarkaðir í Evrópu lækkuðu skarpt við opnun í morgun.  Breska hlutabréfavísitalan FTSE 100 hafði lækkað um 6,4% núna rétt fyrir klukkan 10. Þýska vísitalan DAX hafði lækkað um 7,5% og franska vísitalan CAC 40 um tæp 8,7%. Ítalska vísitalan FTSE MIB hafði lækkað um 8,4%. Euro Stoxx 50 vísitalan, sem samanstendur af 50 evrópskum stórfyrirtækjum, hafði lækkað  7,9% nú rétt fyrir klukkan 10.

Á fjármálamarkaði er beðið eftir að markaðir opni vestanhafs en í gærkvöldi tilkynnti Seðlabanki Bandaríkjanna stýrivextir yrðu lækkaðir úr 1-1,25% í 0-0,25%. Ennfremur var tilkynnt um 700 milljarða dala – um 95 þúsund milljarðar króna innspýtingu í fjármálakerfið.