Svipað álag er nú á skuldum Íslands og Spánar. Skuldatryggingarálagið á 5 ára skuldabréf ríkissjóða landanna er 265-270. Virkari markaður er skuldabréf stærri ríkja og þessa stundina er álagið á Spán 266 en það hefur hækkað mikið í október og það sem af er nóvember. Álagið var 234 í síðustu viku. Álagið á Ísland er nú 265-270.
Álag á skuldir Írlands hafa lækkað nokkuð síðan í síðustu viku eða úr 580 í 567. Álag á skuldir Ítalíu hafa hækkað nokkuð og stendur nú í 196. Álagið á Grikkland hækkaði mikið í október en hefur lítið breyst undanfarna daga og stendur nú í 866.
