Vonir Ríkisendurskoðunar standa til þess að unnt verði að birta skýrslu um starfsemi Lindarhvols áður en þessi mánuður er á enda. Útgáfa skýrslunnar hefur dregist nokkuð en áður hafði verið stefnt að birtingu hennar undir lok síðasta árs og síðan aftur í lok febrúar.

Vinnslan reyndist hins vegar umfangsmeiri á lokametrunum en ráð hafði verið gert fyrir. Skúli Eggert Þórðarson ríkisendurskoðandi tók við vinnslu skýrslunnar af áður settum ríkisendurskoðanda árið 2018.