Ríkisendurskoðandi hefur lokið við skýrslu sína um starfsemi Lindarhvols og hefur skýrslan verið afhent stjórnskipunar- og eftirlitsnefnd Alþingis. Nefndin hefur enn ekki lokið umfjöllun sinni um hana og skýrslan því ekki verið gerð opinber enn.

Skýrslunnar hefur verið beðið um nokkurt skeið og vinnan verið á lokametrunum mánuðum saman. Beiðni blaðsins um afrit af fundargerðum stjórnar Lindarhvols er síðan til meðferðar hjá úrskurðarnefnd um upplýsingamál.