*

miðvikudagur, 28. júlí 2021
Innlent 31. október 2014 18:18

Slitastjórn Glitnis í mál vegna bankaskatts

Slitastjórn Glitnis telur sérstakan skatt á fjármálafyrirtæki í slitameðferð ólöglega.

Ritstjórn
Steinunn Guðbjartsdóttir formaður slitastjórnarinnar
Birgir Ísl. Gunnarsson

Slitastjórn Glitnis telur að sérstakur skattur á fjármálafyritæki í slitameðferð sé ólöglegur og ætlar annað hvort að kæra skattinn til ríkisskattstjóra eða höfða mál gegn ríkinu. Þetta kom fram í kvöldfréttum RÚV

Steinunn Guðbjartsdóttir, formaður slitastjórnar Glitnis, segir í samtali við RÚV að alveg ljóst sé að látið verði reyna á lögmæti skattsins. Slitastjórnin á að greiða tólf milljarða í bankaskatt. Það verður gert með fyrirvara. "Og þegar hann hefur komið til greiðslu þá geri ég ráð fyrir að það verði þegar látið reyna á lögmæti hans, eða að minnsta kosti mjög fljótlega," sagði Steinunn við RÚV.