Fjárhagslegri endurskipulaginu Smáralindar ehf. er nú að ljúka með samningum við lánveitendur félagsins um tímabundna frestun á greiðslu afborgana samkvæmt gildandi lánasamningum.
Þetta kemur fram í tilkynningu til Kauphallarinnar en samkvæmt ársreikningi Eignarhaldsfélagsins Smáralindar ehf. fyrir árið 2008 hefur Smáralind átt í viðræðum við lánveitendur um endurfjármögnun félagsins.
Fram kemur í tilkynningunni að lokið er við skilmálabreytingar á skuldabréfaflokk SMLI 01 1 sem skráður var þ. 27. Desember 2001. Einnig er lokið við skilmálabreytingar á svokölluðu sambankaláni þar sem Frjálsi fjárfestingabankinn hf., Íslandabanki hf., NBI hf.og Byr sparisjóður eru lánveitendur.
Þá kemur einnig fram að verið er að ljúka við skilmálabreytingu á lánasamning þar sem Nordic Investment Bank (NIB) er lánveitandi.
„Félagið er ánægt með þessa niðurstöðu,“ segir í tilkynningunni.
„Staða félagsins er sterk, tekjur ársins 2009 voru yfir áætlun og fjármagnsskipan þess til næstu ára hentar rekstrinum vel.“
Í lok síðasta árs varð dótturfélag NBI hf. Reginn ehf. eigandi félagsins. Fram kemur í tilkynningunni að nýr eigandi hyggst selja félagið í opnu söluferli á fyrripart ársins.
