Snæbjörn Ólafsson, sem hefur starfað á LEX lögmannsstofu frá árinu 2015, mun í október hefja störf á bandarísku lögmannsstofunni Ropes & Gray í London. Hann mun starfa í fjármála- og verðbréfamarkaðsteymi stofunnar en Ropes & Gray er framarlega á því sviði bæði í London og Bandaríkjunum.
Snæbjörn lauk LL.M. gráðu frá Duke háskóla í vor og útskrifaðist með hæstu meðaleinkunn í náminu. Áður útskrifaðist hann sem semidúx bæði með BA og Mag.Jur. gráðu frá lagadeild Háskóla Íslands.
