*

þriðjudagur, 28. september 2021
Innlent 24. september 2017 13:34

Sósíalistaflokkurinn fer ekki fram

Sósíalistaflokkurinn mun halda áfram að vinna að uppbyggingu fjöldahreyfingar.

Ritstjórn
Aðsend mynd

Sósíalistaflokkur býður ekki fram lista til Alþingiskosninga sem fara fram 28. október næstkomandi. Þetta kemur fram í fréttatilkynningu frá Gunnari Smára Egilssyni, formanni flokksins. 

Í tilkynningunni skrifar Gunnar Smári: „ Sósíalistaflokkurinn varð til 1. maí síðastliðinn. Félagar flokksins samþykktu að fyrstu verkefni hans yrðu að byggja upp lýðræðislegt innra starf, útfæra grunnstefnu flokksins og blása til Sósíalistaþings í haust. Þessu starfi miðar vel og hreyfing er að verða til. En því er ekki lokið. Af þeim sökum ætlar Sósíalistaflokkurinn ekki að bjóða fram í komandi þingkosningum. Þess í stað mun flokkurinn halda áfram að vinna að uppbyggingu fjöldahreyfingar sem í framtíðinni mun beita sér innan verkalýðshreyfingarinnar, í sveitastjórnum og á þingi.“