World News Network fjallar um málið í dag og segir verðfallið byggt á úttekt átta sérfræðinga sem telja að fyrirtækin muni vegna verðfalls tapa niður sex ára ávinningi. Samkvæmt tölum World Steel Association í síðustu viku féll stálframleiðslan á heimsvísu um 24% í síðasta mánuði miðað við sama mánuð í fyrra. Þá hefur verð á heitvölsuðu stáli, sem notað er m.a. í bíla, fallið um 53% frá metverðinu sem náðist í júlí 2008 samkvæmt tölum Steel Business.
Stáliðnaðurin í Kína sem er sá umsvifamesti í heiminum í dag hefur farið fram á verulegar verðlækkanir frá framleiðendum járngrýtis í kjölfar verulegra hækkana á ýmsu hráefni á síðasta ári.
Wall Street Journal segir aftur á móti að járngrýtisframleiðendur vonist til 5% verðhækkana á árinu 2009 þar sem þeir hafi talið að botninum væri náð.
Eugen Weinberg hjá Commerzbank in Frankfurt segir hins vegar að þar á bæ sjái menn lítil merki um að markaðurinn sé að rétta við. Commerzbank telji því að botninum sé alls ekki náð. Þvert á móti sé hætta á að vaxandi þrýstingur sé að lækkun á „spot” verði járngrýtis sem hafi áhrif á verðsamninga fram í tímann.
