Ingólfur H. Ingólfsson tók rúmlega 30 milljóna króna lán í nafni einkahlutafélagsins Fjármál heimilanna árið 2007 til þess að stofna banka. Lánið er í erlendri mynt og stóð í lok árs 2010 eftir gengishrun í tæpum 90 milljónum króna. Ekki liggur fyrir hvaða áhrif gengislánadómar hafa haft á það. Lánið bættist við einnar milljóna króna yfirdrátt Fjármála heimilanna. Skuldir félagsins námu 110 milljónum króna í lok árs 2010, samkvæmt síðasta birta ársreikningi.
Ingólfur er þekktastur fyrir það að hafa kennt fólki á námskeiðum Fjármála heimilanna um nokkurra ára skeið hvernig það getur greitt niður skuldir, stýrt neyslu sinni og sparað til þess að geta notið þess að eyða peningum.
Ingólfur segir lánið í skilum. Allt byggist á því að áætlanir um stofnun bankans gangi upp því aleiga hans sé undir, bæði hús og sparifé.
Nánar er fjallað um gengislán Ingólfs og Fjármál heimilanna í Viðskiptablaðinu sem kemur út í fyrramálið. Á meðal efnis í Viðskiptablaðinu er:
- Sparksnillingar þróa fótboltaleik
- Frímerkin komin yfir 100-kallinn
- Enn um áhrif Exeter-dómsins
- Hlutafjárútboð Regins
- Allt um Smákranadóminn
- Ítarlegt viðtal við Harald Benediktsson, formann Bændasamtakanna
- Misdýrt er að búa í henni Reykjavík
- Sparisjóðakerfið stendur á brauðfótum
- Óðinn veltir krónunni fyrir sér
- Viðskiptablaðið ferðast á flotpramma eftir Rín
- Huginn og Muninn eru á sínum stað, ásamt Tý sem skrifar um Jón Gnarr og kapítalistana
- Myndasíður, umræður, aðsendar greinar og margt, margt fleira...