Heildarmat fasteigna í landinu hækkar um 7,4% frá síðasta ári og er heildarmatið nú 4.715 milljarðar króna samkvæmt nýju fasteignamati fyrir 2013.
Það er ekki sama hvar fasteignin er því töluvert munar á verði sambærilegra eigna eftir staðsetningu. Þá er hlutfallsleg breyting fasteignamatsins mismunandi eftir landssvæðum, enda staðsetning, eðli málsins samkvæmt, meðal ráðandi þátta í fasteignamati.
© Aðsend mynd (AÐSEND)
Til að glöggva sig nánar á áhrifum fasteignamatsins getur verið gott að líta á tölurnar. Á þessari Íslandsmynd má sjá breytingu fasteignamats á mismunandi svæðum á landinu. Grænu punktarnir eru staðirnir þar sem hækkunin var mest en rauðu punktarnir eru svæðin sem hækkuðu minnst. Sjá má að úrbætur á samgöngum hafa töluvert að segja en Vestmannaeyjar, Bolungarvík og Fjallabyggð eru dæmi um svæði þar sem fasteignamat hækkar meðal annars vegna bættra samgangna.
© Aðsend mynd (AÐSEND)
Hér má sjá mismunandi verð sömu fasteignar eftir því hvar á höfuðborgarsvæðinu hún er staðsett. Á þessu má meðal annars sjá að fasteignamat á sama húsinu getur verið allt frá 31,6 milljónum á Völlunum í Hafnarfirði til 65,5 milljóna í Þingholtunum í miðbæ Reykjavíkur.
Nánar er fjallað um málið í Viðskiptablaðinu. Áskrifendur geta nálgast blaðið undir liðnum tölublöð hér að ofan.
