Leigusalar flugvéla Wow air eru áberandi á lista yfir stærstu kröfuhafa þrotabús félagsins. Stærsti kröfuhafinnar er CIT Aerospace International en Wow leigði Airbus breiðþoturnar af félaginu. Það lýsir 52,8 miljarða króna kröfu. Næst stærsta einstaka krafan er frá Rolls-Royce plc upp á 22 milljarða króna og RRPF Engine Leasing Limited lýsir 6,3 milljarða króna kröfu
Flugvélaleigjandinn ALC, sem þurfti að sætta sig við kyrrsetta flugvéla í Keflavík eftir fall Wow air, lýsir 9 milljarða kröfu. Leigufélögin Sog Aviation Leasing Limited og Tungaaa Aviation Limited lýsa hvort um sig þremur milljörðum króna. Sky High Leasing Company lýsir 3,8 milljörðum króna.
Sjá einnig: Kröfur í þrotabú Wow 138 milljarðar
Nordic Trustee & Agency AB lýsir 8,6 milljarða króna kröfu fyrir hönd skuldabréfaeigenda Wow air.
Ríkisskattstjóri lýsir 3,8 milljarða króna króna kröfu en Umhverfisstofnun sektaði Wow um þá fjárhæð vegna þess að Wow átti ekki losunarheimildir fyrir allan sinn flugflota. Þá lýsir Umhverfisstofnun 847 milljóna króna kröfu í þrotabúið.
Kröfur Skúla Mogensen og félaga honum tengdum í þrotabú WOW air nema um 3,8 milljörðum króna Arion banki, viðskiptabanki Wow air, lýsir 2,4 milljarða króna kröfum og Isavia lýsir 2,2 milljarða króna kröfu. Arion banki er ekki eina íslenska fjármálafyrirtækið sem lýsir kröfu í þrotabúið. Kvika lýsir 279 milljón króna kröfu og Gamma, sem nú er í eigu Kviku 281 milljón króna kröfu. Íslandsbanki lýsir tæplega 30 milljóna króna kröfu og Arctica Finance lýsir 26,6 milljón króna kröfu en það aðstoði Wow við að afla sér fjármagns síðasta vetur.
Þá nema kröfur Eyktar og tengdra félög tæplega hálfum milljarði króna, en Wow hafði höfuðstöðvar í Höfðatorgi í húsnæði í eigu Eyktar. Airport Associates, þjónustufyrirtæki Wow á Keflavíkurflugvelli, lýsir 140 milljón króna kröfum.
Auk þess nema kröfur starfsmanna, lífeyrissjóða og farþega þúsundum. Alls nema kröfur í þrotabúið 138 milljörðum króna en rétt er að benda á að ekki hefur verið tekin afstaða nema lítils brots heildarkrafna.
