*

miðvikudagur, 17. júlí 2019
Innlent 20. janúar 2011 15:57

Starfsmenn Milestone losuðu sig undan lánum

Fimm lykilstarfsmenn Milestone losnuðu undan persónulegum ábyrgðum með því að skuldskeyta lán.

Ritstjórn
Skiptastjóri telur skyndilega breytingu benda til að starfsmennirnir hafi vitað í hvað stefndi.
Haraldur Jónasson

Fimm lykilstarfsmenn Milestone skuldskeyttu lánum sem þeir höfðu tekið til að kaupa hlutabréf í Öskum Capital yfir á félög í sinni eigu í febrúar og mars 2008. Við þetta losnuðu starfsmennirnir fimm undan persónulegum ábyrgðum.

Skiptastjóri þrotabús Milestone, Grímur Sigurðsson, telur að þessi skyndilega breyting á fyrirkomulagi lánanna veiti sterka vísbendingu um að starfsmennirnir hafi vitað í hvað stefndi í rekstri Milestone, en félagið er gjaldþrota. Þetta kemur fram í stefnum vegna tíu riftunarmála sem þrotabúið hefur höfðað.

Starfsmennirnir fimm, Guðmundur Ólason forstjóri, Óskar Garðarsson, framkvæmdastjóri fjárfestinga, Jóhannes Sigurðsson aðstoðarforstjóri, Halldór Benjamín Þorbergsson verkefnastjóri og Arnar Guðmundsson fjármálastjóri fengu 170 milljónir króna að láni frá Milestone og 170 milljónir frá Glitni sumarið 2007 til að kaupa bréfin.

Stikkorð: Milestone
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is