Nýir eigendur taka við veitingahúsinu Greifanum á Akureyri þann 1. okbtóber, en fyrrverandi eigendur ætla að snúa sér alfarið að hótelrekstri, segir í fréttatilkynningu.
Arinbjörn Þórarinsson og Hugrún Helga Guðmundsdóttir taka við rekstri Greifans af þeim ?Greifamönnum" sem rekið hafa staðinn með góðum árangri undanfarin sextán ár, segir í tilkynningunni. Arinbjörn og Hugrún njóta liðsinnis rekstrarfélags American Style, sem kemur að verkefninu með eignaraðild.
Arinbjörn og Hugrún eru fædd og uppalin á Akureyri og þekkja vel til Greifans. Bæði hafa þau unnið þar um alllangt skeið, Hugrún sem þjónn og Arinbjörn í eldhúsi. Hugrún er lærður framreiðslumaður og Arinbjörn er matvælaframleiðslu-fræðingur frá Háskólanum á Akureyri.
Í tilkynningunni segir að breytingarnar eru í samræmi við áætlanir þeirra ?Greifamanna" sem ætla að snúa sér alfarið að sinni kjarnastarfssemi sem er í dag hótelrekstur. Undir nafni Keahótela eiga þeir og reka sex hótel, þrjú á Akureyri, Hótel Kea, Hörpu og Norðurland, Hótel Gíg í Mývatnssveit og Hótel Borg og Björk í Reykjavík.
Engar breytingar verðar gerðar á rekstrarformi veitingahússins Greifans. Arinbjörn og Hugrún munu leggja allt kapp á að viðhalda þeim gæðum og þjónustu sem staðurinn er þekktur fyrir.
Einnig verður lögð mikil áhersla á að viðhalda þeirri velvild sem Greifinn hefur notið meðal Akureyringa og annarra landsmanna. Sömuleiðis mun Greifinn styðja áfram vel við bakið á íþróttastarfi, menningar- og leiklistarlífi á Akureyri og í nágrenni.
