Viðburðinum Startup Iceland hefur nú verið aflýst þetta staðfestir framkvæmdastjóri viðburðarins Bala Kamallakharan í samtali við Viðskiptablaðið.

Við aflýstum viðburðinu vegna samkomutakmarkanana. Nú er það þannig að það mega aðeins 100 manns koma saman og við sáum ekki fram á að geta haldið viðburðinn með því móti en venjulega mæta um 300 manns á viðburðinn okkar," segir Bala.

Viðburðurinn snýst um að fá fyrirlesara víða úr heiminum til að koma og ná til íslenskra sprotafyrirtækja. En vegna hertra aðgerða á landamærum þá komust skipuleggjendur að þeirri niðurstöðu að það væri best að fresta viðburðinum fram á næsta ár 2021.

Við vildum alls ekki skapa neina hættu á því að smit kunni að koma upp á viðburðinum okkar. Þess vegna töldum við best að bara bíða og sjá hvernig málin þróast," segir Bala.

Þetta hefði verið í níunda sinn sem hátíðin hefði verið haldin en hún var fyrst haldin árið 2012.