Good Good er matvælafyrirtæki sem sérhæfir sig í náttúrulega sætum lausnum án viðbætts sykurs. Hugmyndin á bak við Good Good er að búa til til vörur sem bragðast vel en eru jafnframt hollar, sem sagt bæði gott fyrir bragðlaukana og heilsuna. Þaðan kemur nafnið Good Good en félagið hét fyrst um sinn Via health. Til að byrja með seldi fyrirtækið aðeins náttúruleg sætu efni úr stevíu en nú telur vöruúrval þess sultur, súkkulaðismjör, ketóstangir og bökunarvörur.
Félagið var stofnað árið 2014 og framleiddi þá stevíu dropa í verksmiðju í Hafnarfirði. Árið 2015 kom nýjir hluthafar að rekstrinum og Garðar Stefánsson var fenginn inn til þess að endurskipuleggja fyrirtækið og hefja sölu erlendis. Þá var tekin ákvörðun um að útvista framleiðslunni til Evrópu, hætta framleiðslu á Íslandi og einblína á að hanna og þróa matvöru. Garðar var ráðinn framkvæmdastjóri fyrirtækisins árið 2016 en fram til ársins 2020 voru hann og Jóhann Ingi Kristjánsson, stjórnarformaður, einu starfsmenn þess. Í dag eru starfsmenn félagsins níu talsins, sjö á Íslandi og tveir í Bandaríkjunum.
Vendipunktur í starfsemi fyrir tækisins varð þegar að það sat uppi með lager af sætuefnum sem hætt var að færu til spillis. Þá var ákveðið að fikra sig áfram með sultugerð í stað þess að lagerinn færi til spillis. Það var lukkuskref en sulturnar eru vinsælustu vörur fyrirtækisins og telja um 45% af heildarveltu fyrirtækisins. Næstvinsælustu vörur fyrirtæk isins eru ketóstangir sem telja um 21% og þar á eftir kemur súkkulaðismjör með um 12,52% heildarveltunnar.
Velta Good Good hefur margfaldast frá ári til árs frá stofnun félagsins. Árið 2015 var veltan um 41 þúsund Bandaríkjadollar en á síðasta ári var hún um 4,6 milljónir og búist er við því að hún verði 9,8 milljónir Bandaríkja dollara á þessu ári, sem samsvarar tæplega 1,2 milljörðum íslenskra króna. Tæplega 40% veltunnar koma frá Bandaríkjunum en það er stærsti markaður fyrirtækisins, þrátt fyrir að vörur þess hafi aðeins verið seldar þar í um þrjú ár. Evrópski markaðurinn telur um 52% af heildarveltunni og Kanada tæplega 7%.
Nánar er fjallað um málið í tímariti Frjálsrar verslunar sem var að koma út. Hægt er að gerast áskrifandi hér eða kaupa blaðið hér .