Steingrímur J. Sigfússon, formaður Vinstri grænna, hélt í dag fund með fjármálaráðherra Noregs, Kristinu Halvorsen, og nánum ráðgjafa hennar.
Á fundinum kom fram skilningur Norðmanna og vilji til að aðstoða Íslendinga fjárhagslega og rædd var sú hugmynd að Norðurlöndin taki virkan þátt í fjárhagsaðstoð við Íslendinga ásamt Alþjóðagjaldeyrissjóðnum.
Steingrímur mun sækja Norðurlandaráðsþingið í Helsinki á þriðjudag og taka þar þátt í umræðum forystumanna í Norrænum stjórnmálum.
Þetta kemur fram á heimasíðu Vinstrihreyfingarinnar, græns framboðs.
