Landsnet hefur ráðið Steinunni Þorsteinsdóttur í nýtt starf upplýsingafulltrúa fyrirtækisins og ber hún meðal annars ábyrgð á miðlun upplýsinga, skipulagningu viðburða og mótun stefnu Landsnets í samfélagsmiðlun.
Steinunn starfaði áður hjá Hafnarfjarðarbæ sem upplýsinga- og kynningarfulltrúi í þrettán ár. Hún hefur einnig unnið við ritstörf, blaðamennsku, bóka- og handritaskrif og ráðgjöf um vef- og samfélagsmiðla.
Steinunn er með BA próf í sagnfræði frá Háskóla Íslands auk þess sem hún hefur sótt fjölda námskeiða, m.a. hjá Endurmenntun Háskóla Íslands, tengd markaðsmálum, rafrænum samskiptum, samfélagsmiðlun, skapandi skrifum, viðburðarstjórnun og opinberri stjórnsýslu.