Steinunn Þóra Árnadóttir mun taka sæti Árna Þórs Sigurðssonar á þingi þegar hann lætur af þingstörfum til að sinna starfi sendiherra frá og með 1. janúar 2015. Þessu greinir mbl.is frá.
Steinunn segir það leggjast vel í sig að taka sæti á Alþingi enda gefi maður ekki kost á sér ofarlega á lista nema vera reiðubúinn til þess.
Enn er ekki búið að greina frá því hvar Árni Þór mun verða sendiherra Íslands, en eins og VB.is fjallaði um er talið líklegt að hann verði í Moskvu.