Öllum starfsmönnum Eignarhaldsfélagsins Fasteignar var sagt upp störfum í gær. Kirstín Flygenring, varaformaður stjórnar Fasteignar segist ekki hafa haft neina vitneskju um uppsagnirnar. Kirstín situr í stjórninni fyrir hönd stærsta eiganda félagsins, Miðengis.
„Þetta var ekki staðfest í stjórn og ég er mjög hissa á því að þetta mál hafi ekki verið tekið fyrir í stjórn félagsins.“ Kirstín fékk því fyrst veður af uppsögnunum í dag en hvorki framkvæmdastjóri né stjórnarformaður félagsins tilkynnti henni um þær.
Fasteign er fasteignafélag í eigu Miðengis, dótturfélags Íslandsbanka, og nokkurra sveitarfélaga. Samkvæmt heimasíðu Fasteignar störfuðu þar sex manns auk framkvæmdastjórans.
-Nánar er fjallað um málið í Viðskiptablaðinu sem kemur út á morgun.
Meðal annars efnis í Viðskiptablaðinu á morgun er:
- Smáralind skráð á markað
- Ætla að endurskipuleggja skuldir 6.000 fyrirtækja
- Valdamesta fólkið í heiminum
- Verðtrygging skilgreind eftirá hjá Lýsingu
- Viðtal: Sævar Freyr Þráinsson, forstjóri Símans, segir að uppsagnir hafi verið nauðsynlegar
- Bankastarfsmenn í skuldavanda reknir
- Kreppan á Íslandi sú lengsta meðal iðnríkja
- Skuldir Stoða færðar niður um 225 milljarða króna
- 24 síðna jólagjafahandbók
- Fjöldi ljósleiðaratenginga hefur margfaldast á tveimur árum
- Barist um veiðiár
Og margt, margt fleira..