*

fimmtudagur, 20. júní 2019
Innlent 27. ágúst 2018 13:55

Stjórnarformaður kaupir í Heimavöllum

Erlendur Magnússon, stjórnarformaður Heimavalla, hefur keypt 17 milljón hluti í félaginu, og það hefur hækkað um 3,5% í dag.

Ritstjórn
Heimavellir voru skráðir á markað í maí, og hafa lækkað um rúm 8% síðan.
Haraldur Guðjónsson

Erlendur Magnússon, stjórnarformaður Heimavalla, keypti nú laust fyrir hádegi 17 milljón hluti í félaginu á 1,1624 krónur á hlut, samtals tæpar 20 milljónir króna, og á nú 25 milljón hluti.

Auk kaupanna hafa viðskipti með bréf félagsins upp á rúmar 10 milljónir króna átt sér stað í dag, og gangvirði bréfanna er nú 3,5% hærra en við opnun markaða í dag, um 1,18 krónur á hlut.

Félagið birti hálfsársuppgjör á fimmtudag, og á föstudag seldi regluvörður félagsins, Erlendur Kristjánsson, alla sína 11,6 milljón hluti á 13,3 milljónir króna, og félagið endaði daginn 3,4% lægra en við opnun.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is