„Þetta er náttúrulega fölsun. Ég var á þessum fundi og það er fullt af fólki sem getur vottað það,“ segir Einar Ólafsson, fyrrum stjórnarmaður í FL Group í samtali við Viðskiptablaðið.
Í fundargerð stjórnarfundar félagsins frá 21. október 2005, sem Viðskiptablaðið hefur undir höndum, segir að Einar Ólafsson hafi tilkynnt forföll og hafi því ekki setið fundinn. Á honum var samþykkt að FL Group myndi kaupa danska flugfélagið Sterling af Fons á um 15 milljarða íslenskra króna.
Í fundargerðinni kemur fram að stjórn FL Group hafi samþykkt kaupin og veitt Hannesi Smárasyni, forstjóra félagsins á þeim tíma, fullt umboð til að undirrita kaupsamninginn.
Um þetta er fjallað í Viðskiptablaðinu sem kemur út í fyrramálið en sl. 3 vikur hefur blaðið fjallað um ítarlega úttekt á fléttunni í kringum NTH, félög tengd FL Group og helstu gerendur.
Meðal annars efnis í Viðskiptablaðinu á morgun er:
- Íslandsbanki skoðar réttarstöðu sína gagnvart Capacent
- Seðlabankinn þurfti að selja FIH eða tapa öllu í bankanum
- Reynt að koma Byr í hendur kröfuhafa
- Afskriftir Landsbankans á skuldum skilanefndarmanns í Glitni
- Fjallað er um mikinn kostnað við Hof, menningarhúsið á Akureyri
- Viðtal við Þórð Friðjónsson, forstjóra Kauphallarinnar
- Úttekt á framvindu efnahagsáætlun AGS og Íslands sem er langt á eftir áætlun
- Sport & peningar
- Dægurmenning
- og margt margt fleira...