Stjórnendur alþjóðlega samheitalyfjafyrirtækisins Actavis fá vegna kaupa á lyfjafyrirtækinu Forest Laboratories að hámarki 186 milljón Bandaríkjadali, eða sem nemur rúmlega 21 milljarði króna.
Yfirmenn munu fá stórar greiðslur vegna kaupanna. Greiðslurnar eru hluti af samruna verðlaununum. Brenton Saunders, nýráðinn forstjóri samsteypunnar, fær 15 milljón dali, en getur fengið allt að 68,5 milljónir ef fyrirtækið nær þeim markmiðum sem hafa verið sett. Paul Bisaro, stjórnarformaðurinn, fær einnig 15 milljónir strax, en ef markmið nást fer upphæðin upp í 49,6 milljónir. Aðrir stjórnendur fyrirtækisins fá 5 milljónir strax, en allt að 18,4 milljónir náist markmiðin.
Actavis keypti Forest Laboratories á 25 milljarða Bandaríkjadala, sem svarar til rúmlega 2.800 milljarða króna, fyrr á þessu ári.
