Stjórnstöð ferðamála, sem tók til starfa í október síðastliðnum, hefur meðal annars það hlutverk samhæfa aðgerðir, einfalda ákvörðunarferli og útrýma flækjustigi.
Hér sést hvernig ferðaþjónustan er inni á borði allra ráðuneyta og sveitarfélaga:
- Iðnaðar- og viðskiptaráðherra ber ábyrgð á ferðaþjónustu sem atvinnugrein, sem og aðgerðum til að stuðla að almennum úrbótum og uppbyggingu á ferðamannastöðum.
- Umhverfis- og auðlindaráðherra ber m.a. ábyrgð á úrbótum og uppbyggingu á aðstöðu til móttöku ferðamanna í þjóðgörðum og á friðlýstum svæðum.
- Forsætisráðherra ber ábyrgð á Þingvallaþjóðgarði og þjóðlendum.
- Innanríkisráðherra ber ábyrgð á samgöngum, löggæslu og öryggismálum.
- Mennta- og menningarmálaráðherra ber ábyrgð á menntun innan starfsgreina.
- Heilbrigðisráðherra ber ábyrgð á heilbrigðisþjónustu, þ.m.t. þeirri sem erlendum ferðamönnum er veitt.
- Fjármála- og efnahagsráðherra ber ábyrgð á tekjuöflun ríkisins og skattaumhverfi greinarinnar svo að dæmi séu tekin.
- Sveitarfélögin bæði eiga ferðamannastaði eða hafa í sinni umsjón. Auk þess fara sveitarfélögin með skipulagsvaldið.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .