Fjársterkir einkafjárfestar og Kvika banki stofnuðu nýlega fjárfestingafélagið Incrementum, sem er með hlutafé upp á vel yfir milljarð, samkvæmt frétt Markaðarins í morgun .
Starfsemin er sögð hafa hafist fyrir nokkrum vikum og felast í fjárfestingum í skráðum félögum hér á landi.
Kvika er sögð eiga tæpan tíunda hlut í félaginu, en meðal annarra stofnenda séu Ívar Guðjónsson, Baldvin Valtýsson og Smári Rúnar Þorvaldsson.
