Stoðir (áður FL Group), kjölfestufjárfestir Glitnis, hefur óskað eftir greiðslustöðvun, samkvæmt frétt Dow Jones fréttaveitunnar. Í morgun var tilkynnt um að Seðlabanki Íslands kaupi 75% hlut í Glitni fyrir 600 milljónir evra.
Stjórn Stoða hf. hefur óskað eftir því við Héraðsdóm Reykjavíkur að félaginu verði veitt heimild til greiðslustöðvunar. Gert er ráð fyrir að beiðnin verði tekin fyrir og afgreidd með heimild til greiðslustöðvunar í dag og tilsjónarmaður á greiðslustöðvunartíma skipaður, segir í tilkynningu til Kauphallarinnar.
