Mikið hefur veiðst af stórlaxi í sumar enda hefur smálaxinn lítið látið sjá sig. Fjölmargir stórlaxar hafa veiðst í Laxá á Aðaldal og víðar.

Í fyrrdag veiddist einn slíkur í Fljótaá en áin hefur oft gefið stóra laxa þó hún sé kannski helst þekkt fyrir mikla og góða bleikjuveiði.

Laxinn sem veiddist á þriðjudaginn var 20 pund. Það var veiðimaðurinn Chad Pike sem dró fiskinn á land en hann tók hálftommu rauða Frances-túbu á veiðistaðnum Undir klöpp. Pike naut aðstoðar Jóns Heimis leiðsögumanns.