Franskur dómstóll hefur sýknað Dominique Strauss-Kahn, fyrrverandi forstjóra Alþjóðagjaldeyrissjóðsins, af ákæru um hórmang. BBC News greinir frá þessu.
Strauss-Kahn var sakaður um hórmang með því að hafa skipað undirmönnum sínum að útvega vændiskonur fyrir kynsvall, en þrettán aðrir voru jafnframt ákærðir í málinu. Var forstjórinn fyrrverandi sakaður um að hafa útvegað stúlkur í vændishring sem viðhafði starfsemi á hóteli í Lille.
Hann hefur alla tíð neitað sök, en játaði þó þegar hann bar vitni að hafa í fáein skipti tekið þátt í kynsvalli, en þar hefði ekkert ósæmilegt komið við sögu sem varðaði lög.
