*

sunnudagur, 26. september 2021
Innlent 14. október 2020 08:06

Streymi frá Umhverfisdegi atvinnulífsins

Sýnt er beint frá verðlaunaafhendingu fyrir bæði umhverfisframtak ársins og umhverfisfyrirtæki ársins.

Ritstjórn
Lovísa Árnadóttir upplýsingafulltrúi Samorku stýrir fundinum.
Haraldur Guðjónsson

Nú er að hefjast hinn árlegi Umhverfisdagur atvinnulífsins, en þar verða tvenn verðlaun veitt til fyrirtækja sem þykja hafa staðið sig vel í umhverfismálum. Annars vegar verðlaun fyrir umhverfisfyrirtæki ársins og hins vegar framtak ársins.

Um árlegan viðburð er að ræða en að honum standa Samtök atvinnulífsins, Samorka, Samtök ferðaþjónustunnar, Samtök fjármálafyrirtækja, Samtök fyrirtækja í sjávarútvegi, Samtök iðnaðarins og Samtök verslunar og þjónustu.

Í ár er viðburðinum eingöngu streymt rafrænt í opinni dagskrá á vef SA, samfélagsmiðlum og fjölmiðlum. Dagskrá hefst kl. 8.30 og stendur til að verða 10.

Fundarstjóri er Lovísa Árnadóttir, upplýsingafulltrúi Samorku, en Guðni Th. Jóhannesson forseti Íslands afhendir viðurkenningu fyrir umhverfisframtak ársins og til umhverfisfyrirtækis ársins.

Ávörp flytja:

  • Halldór Benjamín Þorbergsson, framkvæmdastjóri SA
  • Kristín L. Árnadóttir, aðstoðarforstjóri LV
  • Benedikt Gíslason, bankastjóri Arion
  • Jónína G. Magnúsdóttir, framkvæmdastjóri Terra
  • Ari Edwald, forstjóri MS