Sturla Pálsson, framkvæmdastjóri alþjóða- og markaðssviðs Seðlabanka Íslands og Steinar Þór Sveinsson, deildarstjóri fjárreiðu- og eignaskrifstofu í fjármálaráðuneytinu, fara fyrir sendinefnd Íslands í Rússlandi.
Nefndin ræðir í dag og á morgun við fulltrúa stjórnvalda í Rússlandi um mögulega lánafyrirgreiðslu.
Aðrir í nefndinni eru Daníel Svavarsson, hagfræðingur í Seðlabanka Íslands, Tanya Zharov, lögfræðingur og Sigurður Ingólfsson ráðgjafi.
Sendiherra Íslands í Moskvu, Benedikt Ásgeirsson, er nefndinni til aðstoðar.
Þetta kemur fram í tilkynningu frá Seðlabankanum.
