Bankastjórn Seðlabanka Evrópu hækkaði stýrivexti í morgun um 25 punkta, úr 4% í 4,25%.
Þetta er í fyrsta skipti í rúmt ár sem bankinn hækkar stýrivexti sína en verðbólga á evrusvæðinu náði hámarki nú undir lok júní þegar hún mældist 4%.
Ákvörðun bankans kemur ekki á óvart og hafa flestir greiningaraðilar í Evrópu gert ráð fyrir 25 punkta stýrivaxtahækkun.
Þó kemur fram á fréttavef Reuters að einhver ágreiningur hefur verið innan bankastjórn bankans um stýrivaxtaákvörðunina. Á meðan fáir aðilar vildu halda stýrivöxtum óbreyttu voru aðrir sem vildu hækka þá upp í 4,5%.
Meirihluti bankastjórnarinnar var þó sammála um 25 punkta hækkun.